Fai chegar a túa mensaxe de paz
nun libro
nunha botella...
Con este lema o alumnado de 2º C traballou nun pequeno proxecto sobre a paz.
Escribiron unha mensaxe de maneira codificada nun libro, colocaron mensaxes nunha botella e reflexionaron como segue :
Para nós o Día da Paz significaba que non houbese conflito entre os compañeiros ou que o alumnado estivese en silencio nas clases.
Pero como é a Paz para eles? Para os outros nenos, para os miles de nenos que "non teñen infancia", que teñen os dereitos minguados?
Pois, ben, simplemente non o sabemos, como conta o dito: non sabes o que é ata que che pasa.
Pero o que si podemos é reflexionar como queren eles que sexa o seu MUNDO de PAZ?
Pode chegar a ser algo tan sinxelo como ter satisfeitas as necesidades básicas das persoas, ter igualdade, ter acceso á auga potable, poder ir á escola, poder xogar, non ter que traballar desde o amencer ata o ocaso...
Esta foi a nosa idea para o proxecto, que significa a paz?, e como facer para comunicárllelo aos demais?.
Seguro que oístes algunha vez falar da mensaxe nunha botella, e por que non facer o mesmo cunha mensaxe de paz? e oístes falar bookcrossing ou BC (o intrecambio de libros nos lugares públicos para que os recollan outros lectores) e por que non codificar nun libro unha mensaxe?
Deixar que cheguen ata á xente por casualidade e que cambien o seu concepto de paz, como nos pasou a nós-
Paula Pérez Guerra e Alba Alonso Soto
Encontra a mensaxe