Concurso de ciencia

Concurso de microrrelatos: Viaxe ao 2030. 

Nesta páxina amtega están as bases para o concurso.

Animádevos a participar.

O xurado xa preseleccionou cinco obras finalistas que están publicadas no facebook de Amtega (https://www.facebook.com/amtega), dentro do apartado Concurso de microrrelatos “Viaxe ao 2030”, co obxectivo, de que calquera internauta que o desexe poida votar a obra que considere que mellor representa a sociedade galega no 2030. As tres obras gañadoras serán as que máis “gústame” obteñan dentro deste apartado.

Animádevos a votar!!!!! 

Tres días con tres noites

Igor Ribeiro Ramos ilustrou os versos de Na noite estrelecida de Cabanillas.

Tres días con tres noites baixo o ceo soave,

nun lecer caricioso, de vagar foi a nave.

Crebábase  en albores a luz dun novo día

cando dou no remanso dunha praia tranquía

por altivos e fortes penedos coroada,

a canle bretemosa dun río por estrada.

A alma voadora fuxitiva do mundo,

Rei Artur esvaera nun repouso profundo,

e nas azas dun sono de escura vaguedade

caíra alén dos tempos na infinda soedade,

mais do rubí da chaga que no seu peito ardía,

ledizosa fragancia nos ares recendía.

Balidas, entre néboa de vagorosas rendas,

fuxidas dos feitizos das gaélicas lendas.

nove fillas de reises, a pregar en silenzo,

estendendo un garnido e misterioso lenzo,

mortaxa mol tecida ó lume dun encanto.

Recolleron da barca o corpo do Rei santo

e levándoo a unha furna que en fío da ribeira

froría como un ledo xardín en primaveira,

deitárono nun leito de follas e de rosas,

na man a espada sagra das lides fazañosas.

E entón houbo no ceo miragreiras siñales.

Claríns, voces e sinos resoaron triunfales

e a entrada da furna, a un mandado segredo,

foi cuberta a zarrada por un xigante rochedo

no que, chave dos tempos, a man da

Saudade

Labrara a verba xurdia do consolo:

¡Esperade!

Ramón Cabanillas: Na noite estrelecida.

Vivencias meteorolóxicas

Vivencias meteorolóxicas

O traballo ten catro partes:

Parte I

Na primeira parte figurarán os datos do informante:

• Lugar e data do acontecemento:
• Datos do informante: nome e apelidos, idade.
• Lugar e data de recollida

• A propia narración, redactada con adecuación, coherencia e cohesión: título da historia, narración

Parte II

• Historia ficticia creada por vós a modo de conto ou lenda da literatura oral tradicional.

Parte III

• Exemplo de literatura oral: conto, lenda, refrán, cantiga, adiviña,…

Parte IV

• Realización dun video sobre a lenda ou a vivencia que recollestes

•  O video entregarase á volta do Nadal, para o segundo trimestre.

Para realizar o traballo podes consultar estas páxinas:

• Páxina sobre a literatura tradicional, galiciaencantada
• Aplicación para buscar refráns: http://refraneirogalego.com/
• No libro de de Taboada Chivite sobre refráns con referencia a otras linguas: Refraneiro galego
• Fraseolóxia ( punto1.1 e 1.2) http://www.cirp.es/pub/docs/cfg/cfg09_04.pdf
• A auga en Galiza: contos, lendas e crenzas: https://www.slideshare.net/iesasorey/auga-en-galicia-lendas-contos-crenzas
• Neste video podedes ver algún exemplo dunha lenda galega. As lendas da Pedra das Mouras, neste caso para explicar un petróglifo.

Planeta en apuros!!!!

Este luns 22 de setembro celebrouse en Nova Iork o cumio contra o cambio climático. Os científicos alertáronnos de que o deterioro do planeta vai máis rápido do que se pensaba, poñendo o foco de atención na alarmante suba do nivel dos océanos.

http://www.crtvg.es/informativos/a-onu-alerta-de-que-o-nivel-dos-oceanos-sobe-mais-rapido-do-previsto-4188382

Textos

•  Xa que nos entrou unha velutina na aula o primeiro día, imos comezar con elas😅

O terror das velutinas está en Padrón

• A igualdede tamén está chegando á igrexa como podemos ler neste artigo de La voz de Galicia: A revolución feminista das relixiosas do Vaticano

Comezamos

Xa empezamos!!
Estamos cheos de forza 💪💪e vainos ir fenomenal😍😍😍
Moita sorte neste 2019-2020 👍💜

Jules Verne e a vida secreta das mulleres planta

Con este traballo concluíron a lectura do libro de Ledicia Costas.

 Parabéns!!!

 Unha biblioteca con arrecendo, co que queremos convidar a autora á nosa biblioteca.

Como é a sociedade do século XIX?

Nestes videos do programa Historias de Galicia imos descubrir  como estaba conformada a sociedade do s. XIX para entender mellor a obra dos autores do Rexurdimento.

Fidalgos:

Caciques:

Emigrantes:

Conde de Gondomar

Para realizar o traballo consulta estas páxinas:
Gondomar e a lingua galega
Galipedia:  Diego Sarmiento de Acuña
Television de Galicia en Eirado
Real Academia Galega Escrita epistolar en galego: a correspondencia de don Diego Sarmiento de Acuña, I Conde de Gondomar 1567-1626.
 

Linguas da Península

Neste video podemos oír a diversidade lingüística da Península.

Día de Rosalía

O 24 de febreiro é o día de Rosalía, o departamento de Normalización do Concello de Ames convídanos a rosaliármonos  #RosalíaTaménÉNosa

Participa seguindo estes pasos:

1.-Comparte este vídeo co cancelo #RosalíaTaménÉNosa

2.-Grava o teu propio vídeo (2 minutos como máximo) cun texto de Rosalía (ou para Rosalía).

3.-Comparte o teu vídeo nas redes sociais (Facebook e Instagram) co cancelo #RosalíaTaménÉNosa

4.-Se queres que o compartamos na rede do concello, envíanolo, xunto coa autorización para publicalo, a normalizacion@concellodeames.gal